GWAMNA MATAWALLE YA YI WA MA'AIKATUN ZAMFARA GYARAN FUSKA, TARE DA RAGE YAWAN MANYAN SAKATARORI

A Cigaba da yunkurinta na ingantawa da bunkasa cigaban jahar Zamfara tare Dora jahar kan tafarki nagari Mai Daraja gwamnan jahar Hon. Dr. Bello Muhammad Matawallen Maradun ya bayyana Cewa gwamnatinsa ta yi tsare-tsare da nufin dawo da jahar Zamfara Akan tafarki nagari, Wanda hakan ne ya sa gwamnatin ta kafa kwamiti Wanda ya tsarawa gwamnatin yadda ma'aikatun jahar Dama yadda wasu ayukkan ya kamata su kasance. Tare da bincike Akan Manyan Sakatarorin jahar akan cancantarsu.

A bangaren ma'aikatu yanzu An canza tsarin wasu ma'aikatu tare da hade wasu da kirkiro wasu wanda yanzu ma'aikatun za su kasance kamar haka:

1- Ma'aikatar Shari'a 

2- Ma'aikatar Gona da albarkatun Kasa 

3- Ma'aikatar Ciniki, Cigaban Kasuwanci da kuma yawon buda ido 

4- Ma'aikatar  Ilimi, Kimiya da Kere-kere 

5-  Ma'aikatar Muhalli, da Ginar albarkatun Kasa 

6- Ma'aikatar Kudi

7- Ma'aikatar Kasafin Kudi da tsare-tsare-tsaren Tattalin arziki. 

8- Ma'aikatar Raya Karkara da kungiyoyin cigaban kasa. 

9- Ma'aikatar Tsaro da ayukkan Cikin gida

10- Ma'aikatar Lamurran Addini.

11- Ma'aikatar albarkatun Ruwa 

12- Ma'aikatar Tallafawa Matasa da ayukkan hannu.

13- Ma'aikatar Watsa Labarai.

14- Ma'aikatar kananan hukumomi da Cigaban Al'umma.

15- Ma'aikatar ayukka da Sufuri 

16- Ma'aikatar Lafiya 

Ma'aikatar Mata da Kananan Yara da walwalar Jama'a.

Haka zalika gwamnan ya bayyana Cewa jahar Zamfara ita ce Jaha Mai mafi yawan Manyan Sakatarori har 47 wadanda tsohowar gwamnatin da ta shude ta Kai wasu daga cikinsu wannan matsayin ne, ba Don sun cancanta ba Don haka ga jarabawar da aka yi masu mutum 26 ne kurrum su ka ci jarabawar.

Abdulmalik Saidu Maibiredi

Senior Special Assistant to the Governor Of Zamfara State

14th November, 2019